My First Post on Blogger

 

 ମହେନ୍ଦ୍ର ସିଂ ଧୋନୀ (ମୋ  ଅଧିନାୟକ )

                  

 

ପୃଷ୍ଠଭୂମି :-

ଜୁଲାଇ  ୭ ,୧୯୮୧ ର ଦିନରେ, ଶ୍ରୀ  ପାନ ସିଂ ଧୋନୀ ଏବଂ ଶ୍ରୀମତୀ ଦେବକୀ ଦେବୀ ଙ୍କ ଔରସରୁ ଏକ  ସାଧାରଣ ସନ୍ତାନ ର ଜନ୍ମ ହେଇଥିଲା | କିନ୍ତୁ  ସେହି ପିଲା ଆଜି ୨୦୨୧ ମସିହାରେ ବିଶ୍ଵ ସ୍ତରରେ ଏକ ମହାନ ବ୍ୟକ୍ତି ରେ ଗଣା | ୪୦ ବର୍ଷର ଏହି ସମୟରେ ଗୋଟିଏ ସାଧାରଣ ମଧ୍ୟ ବର୍ଗୀୟ ପରିବାରର ପିଲା ନିଜକୁ ବିଶ୍ଵ ସ୍ତରରେ ଜଣେ କିମ୍ବଦନ୍ତୀ ରୂପରେ ପରିଗଣିତ କଲା | ସେ  ଆମର ଜଣାଶୁଣା  ଅତି ପ୍ରିୟର “ମହେନ୍ଦ୍ର ସିଂ ଧୋନୀ ” |

“ମହେନ୍ଦ୍ର ସିଂ ଧୋନୀ” , ସଂକ୍ଷିପ୍ତରେ “ଏମ ଏସ ଧୋନୀ” କେବଳ ଗୋଟିଏ ନାମ ନୁହେଁ ବରଂ ବିଶ୍ଵ କ୍ରିକେଟ ର ଏକ ଅଲିଭା ତାରା | ନିଜ ପ୍ରଶଂସକକ ପାଇଁ କ୍ରିକେଟ ର ଭଗବାନ ମଧ୍ୟ | ଲୋକେ ତାଙ୍କୁ “କ୍ୟାପଟେନ କୁଲ” ତ କେତେବେଳେ ମିଷ୍ଟର ଫିନିସର କୁହନ୍ତି | ଆଉ ଶ୍ରଦ୍ଧା ରେ ଡାକନ୍ତି ମାହୀ | ଏ ଲେଖାଟି ସେହି କିମ୍ବଦନ୍ତୀ ଖେଳାଳି ଙ୍କ ପାଇଁ |

 

ପରିଚୟ :-

ନାମ – ମହେନ୍ଦ୍ର ସିଂ ଧୋନୀ

ଜନ୍ମ ସ୍ଥାନ –ରାଞ୍ଚି ,ବିହାର (ଏବେକାର ଝାରଖଣ୍ଡ )

ଡାକ ନାମ –ଧୋନୀ

ଲମ୍ବ -୫ ଫୁଟ ୧୧ ଇଞ୍ଚ (୧୮୦ ସେମି )

କାମ -ୱିକେଟ ରକ୍ଷକ ବ୍ୟାଟସମାନ

ବ୍ୟାଟିଂ ଶୈଳୀ –ଡାହାଣ ହାତୀ

ବୋଲିଂ ଶୈଳୀ –ଡାହାଣ ହାତୀ ମଧ୍ୟମ

 

ସବିଶେଷ ବିବରଣୀ :-

ଜଣେ ପାଣି ପାଇପ ଅପରେଟର ର ପୁଅ କେବେବି ସ୍ୱପ୍ନ ଦେଖି ନଥିଲା ,ସେ ଭାରତୀୟ କ୍ରିକେଟ ଦଳରେ ଖେଳିବ ଆଉ ତାର ଅଧିନାୟକ ହେବ | କିନ୍ତୁ ତା ଭାଗ୍ୟ ରେ କ’ଣ ଲେଖା ଥିଲା ତାକୁ ଅଜଣା ଥିଲା | ବିଦ୍ୟାଳୟର ଫୁଟବଲ ଦଳର ଗୋଲ ରକ୍ଷକ ରୁ କ୍ରିକେଟ ଦଳର ୱିକେଟ ରକ୍ଷକ ହେବା ତାର ପ୍ରଥମ ସୋପାନ ଥିଲା |

 

କୁହନ୍ତି ସଫଳତା ପାଇଁ କଠିନ ପରିଶ୍ରମ, ଦୃଢହ ଆତ୍ମବିଶ୍ଵାସ,ସଠିକ ଲକ୍ଷ୍ୟ ଏବଂ ସଫଳ ମାର୍ଗଦର୍ଶକ ର ଆବଶ୍ୟକ | ତା ସହିତ କିଛି ହରେଇବାକୁ ମଧ୍ୟ ପଡିଥାଏ | ତାହା ହି ଧୋନୀ ଙ୍କ ଜୀବନରେ ଘଟିଥିଲା | ରେଳ ବିଭାଗ ର ଚାକିରି ଛାଡି ସେ ନିଜର ଲକ୍ଷ୍ୟ କୁ ପାଇବା ନିମନ୍ତେ ଆଗେଇ ଆସିଥିଲେ ଏବଂ କଠିନ ପରିଶ୍ରମ ବଳରେ ପାହାଚ ଉପରେ ପାହାଚ ଚଢି ସେ ସଫଳତା ପାଇଥିଲେ | ୨୦୦୪ ମସିହା ଡିସେମ୍ବର ୨୩ ତାରିଖରେ ସେ ପ୍ରଥମ ଥର ପାଇଁ ଭାରତୀୟ ଦଳରେ ସ୍ଥାନ ପାଇଥିଲେ, ଏକ ଆକ୍ରମଣାତ୍ମକ ୱିକେଟ ରକ୍ଷକ ବ୍ୟାଟସମାନ ଭାବରେ | ଆଉ ପରର ଘଟଣା ଏବେ ଇତିହାସ ମାତ୍ର |

 

ନିଜର ପ୍ରଥମ ପାଳିରେ ସେ ରନ ଆଉଟ ହେଇ ଫେରି ଯାଇଥିଲେ | କିନ୍ତୁ ପରବର୍ତୀ ସମୟରେ ସେ ଏ ଜଗତକୁ ନିଜର ପ୍ରତିଭା ର ଅଦ୍ଭୁତ ପରିଚୟ ଦେଇଥିଲେ | ନିଜର ଅଦ୍ଭୁତ ପ୍ରଦର୍ଶନରେ ସେ ଅନେକ ସମୟରେ ଭାରତକୁ ବିଜୟୀ କରାଇଥିଲେ | ଫଳସ୍ଵରୂପ ୨୦୦୭ ମସିହାରେ ପ୍ରଥମ ଥର ପାଇଁ ଆୟୋଜିତ “୨୦-୨୦ ବିଶ୍ଵ କପ” ପ୍ରତିଯୋଗିତାରେ ତାଙ୍କୁ ଭାରତୀୟ ଦଳର ଅଧିନାୟକ ରୂପରେ ଚୟନ କରାଗଲା |

 

ସେଠାରେ ସେ ନିଜର ଅଧିନାୟକତ୍ଵ ପ୍ରତିଭା ର ପରିଚୟ ଦେଲେ ,ଭାରତ କୁ ବିଶ୍ଵ ବିଜୟୀ କରାଇ | ଏହା ପରେ ସେ ପଛକୁ ଫେରି ଚାହିଁ ନଥିଲେ | ୨୦୧୧ ମସିହାରେ ଭାରତ କୁ ସର୍ବଶ୍ରେଷ୍ଠ ସନମାନ ର ଅଧିକାରୀ କରାଇଥିଲେ ଧୋନୀ | ଯେଉଁଥିରେ କି ୧୯୮୩ ପରେ ୨୮ ବର୍ଷ ପରେ ଭାରତ ୫୦-ଓଭର ର ବିଶ୍ଵ କପ ଜିତିଥିଲା | କ୍ରିକେଟ ର ଭଗବାନ କୁହାଉଥିବା “ଶ୍ରୀ ସଚିନ ରମେଶ ତେନ୍ଦୁଲକର ” ଏବଂ କୋଟି କୋଟି ଭାରତୀୟଙ୍କ ସ୍ୱପ୍ନ ପୂରଣ ହେଇଥିଲା | ୦୨ ଅପ୍ରେଲ ,୨୦୧୧ ରାତି ଧୋନୀଙ୍କ ଜୀବନରେ ଏକ ଅଭୂଲା ସ୍ମୃତି ପାଲଟି ଗଲା | ନିଜ ଜୀବନର ସବୁଠୁ ସୁନ୍ଦର ପାଳି ସେ ସେହି ରାତିରେ ଖେଳିଥିଲେ ଏବଂ ଛକା ମାରି ଦେଶକୁ ବିଜେତା ମଧ୍ୟ କରାଇଥିଲେ | ତାଙ୍କର ଅବିଶ୍ଵସନୀୟ ଖେଳ ଜୀବନୀରେ ସେ ଭାରତ କୁ ବହୁ ଥର ବିଜେତା ବନେଇଥିଲେ | ୨୦୦୭ ର ୨୦-୨୦ ବିଶ୍ଵ କପ ,୨୦୧୧ ର ୫୦-ଓଭର ବିଶ୍ଵ କପ ,୨୦୧୩ ର ଚାମ୍ପିୟନ୍ସ ଟ୍ରୋଫ଼ି ସେଗୁଡିକ ମଧ୍ୟ ରେ ପ୍ରଧାନ |

୨୦୧୯,ଜୁଲାଇ ୧୦ ,ଇଂଲଣ୍ଡର ମାନଚେଷ୍ଟର ପଡିଆରେ ନ୍ୟୁଜିଲାଣ୍ଡ ବିପକ୍ଷ ସେମି ଫାଇନାଲ ମ୍ୟାଚରେ ବିଜୟଠୁ କିଛି ଦୂରରେ ରନ ଆଉଟ  ହେଇ ଫେରି ଯାଇଥିଲେ ଧୋନୀ | ହୁଏତ କ୍ରିକେଟ ପ୍ରେମି ଙ୍କୁ ଜଣାନଥିଲା ଯେ ଏହା ତାଙ୍କ ପ୍ରିୟ ଧୋନୀଙ୍କ ଶେଷ ଦିନ ଭାରତୀୟ କ୍ରିକେଟ ପାଇଁ ପୁରା ଭାରତ କାନ୍ଦୁଥିଲା ଏବଂ ତା ସହ ଧୋନୀଙ୍କ ଆଖି ମଧ୍ୟ ଓଦା ଥିଲା | ୨୦୨୦, ଅଗଷ୍ଟ ୧୫,ର ଐତିହାସିକ ଦିନରେ ସେ ଭାରତୀୟ କ୍ରିକେଟ ରୁ  ଅବସର ଘୋଷଣା କରିଥିଲେ | କିନ୍ତୁ ୨ଟା ରନ ଆଉଟ ମଝିରେ ଛାଡି ଯାଇଥିଲେ ତାଙ୍କ ଅଗଣିତ ପ୍ରସଶଙ୍କ ପାଇଁ ଅଭୁଲା ସ୍ମୃତି !!!!!

ଲଭ ୟୁ ଧୋନୀ !